Jumaeva Gulruxsor Aliyorovna, tibbiyot sohasida faoliyat yurituvchi olima va pedagog, klinik fanlar yo‘nalishi bo‘yicha PhD, dotsent hisoblanadi. Hozirda “ALFRAGANUS” universiteti Tibbiyot fakulteti ichki kasalliklar kafedrasida dotsent lavozimida ishlaydi. U o‘z mehnat faoliyatini 2005-yilda Buxoro universiteti tibbiyot institutining klinik farmakologiya kafedrasida assistent sifatida boshlagan. Keyinchalik Toshkent tibbiyot akademiyasida ilmiy tadqiqotchi, assistent hamda dotsent lavozimlarida faoliyat olib borgan, shuningdek Sanitariya gigiyena va kasb kasalliklari institutida shifokor-terapevt bo‘lib ishlagan. Jumaeva G.A.ning ilmiy izlanishlari asosan arterial gipertoniya, endoteliy funksiyasi, reabilitatsiya, post-COVID holatlari va sog‘lom turmush tarzi masalalariga bag‘ishlangan. U ko‘plab ilmiy maqolalar, o‘quv qo‘llanmalar va monografiyalar muallifi bo‘lib, ilmiy rahbar sifatida bir qator magistrlik dissertatsiyalariga rahbarlik qilgan. Shuningdek, u xalqaro grant loyihalarida ishtirok etgan, malaka oshirish kurslaridan o‘tgan hamda tibbiyot amaliyoti va ta’limini rivojlantirishga munosib hissa qo‘shib kelmoqda.